Meloni acepta formar Goberno e convértese na primeira muller en asumir o cargo
Meloni acepta formar Goberno e convértese na primeira muller en asumir o cargo
Tajani en Exteriores e Giorgetti en Economía, claves do Goberno de Meloni
Esta fin de semana previsiblemente será o xuramento de cargo e traspaso de poderes
A líder dos ultradereitistas Irmáns de Italia, Giorgia Meloni, gañadora das eleccións xerais, aceptou hoxe formar Goberno ante o xefe do Estado, Sergio Mattarella, e será a primeira muller en asumir ese cargo na historia do país.
O xefe do Estado optou por encargar a formación do Goberno a Meloni, a máis votada nas eleccións e que foi proposta pola coalición de dereitas que encabeza e da que tamén forman parte Matteo Salvini e Silvio Berlusconi, que suma maioría absoluta no Parlamento.
As primeiras pezas clave do Goberno
E xa apareceron os primeiros nomes deste Goberno nos postos clave do seu Executivo. Antonio Tajani, expresidente del Parlamento europeo, será ministro de Exteriores cun perfil europeísta, mentres Giancarlo Giorgetti, un moderado da Liga, será o encargado da carteira de Economía.
Espérase que agora Meloni anuncie a lista completa de ministros, repartida entre notables do seu partido, da soberanista Liga de Salvini e da conservadora Forza Italia de Berlusconi.
Como particularidade, a política romana, de 45 anos, aceptou o cargo "sen reservas", algo pouco habitual na política italiana xa que os chamados a gobernar adoitan requirir duns días para limar os últimos aspectos dos Executivos.
O xefe do Estado esperou a anunciar a súa decisión ao regreso do primeiro ministro saínte, Mario Draghi, que participou ata este venres nun Consello Europeo sobre enerxía considerado clave para Roma.
A xefa dos Irmáns de Italia, un partido herdeiro dos posfascistas do Movemento Social Italiano, escalou na política italiana como única oposición ao Goberno de unidade nacional que Draghi presidiu desde febreiro de 2021 para afrontar a pandemia.
O xuramento do novo Goberno será este sábado
O xuramento do novo Goberno terá lugar mañá sábado no palacio do Quirinal, sede da xefatura do Estado, ás 10.00 hora local (08.00 GMT), e o traspaso de poderes con Draghi coa celebración do primeiro Consello de Ministros.
Para a posta en marcha oficial do Goberno, Meloni deberá someterse á investidura nas dúas sedes do Parlamento, o Senado e a Cámara de Deputados, un formalismo dado que a coalición conta cunha maioría suficiente para gobernar.
Na oposición sentarán o progresista Partido Demócrata, o populista Movemento Cinco Estrelas e os centristas do Terceiro Polo, entre outras pequenas formacións.
.png)
.png)
