Mercado de arte de Nadal dun día na praza de abastos do Calvario

Desde bonecos feitos de la e feltro, pezas de cerámica exclusivas, láminas de acuarela, roupa, cuncas, ata ourivería, no mercado de nadal do Calvario hai de todo. 

Todo é diferente, obxectos que non se poden atopar nas tendas, esa foi a teima das organizadoras de "Notodoelpescadoestávendido" que levan xa oito edicións deste mercado efémero dun día que se celebra o día das letras e en tempo do Nadal.

Actuacións para nenos e maiores, contacontos, música e mesmo un concerto de pais e fillos ás cinco e media da tarde, ao que non fai falla levar instrumentos. O mercado pecha ás sete con outro concerto.