Mercado de Nadal en Culleredo con empaquetado solidario

Nos centros comerciais tamén atopamos estes días espazos con ofertas alternativas e diferentes. Neste de Culleredo, por exemplo, hai marcas locais que comercializan produtos feitos a man de xeito sostible.

Ata o cinco de xaneiro podemos atopar agasallos especiais co selo de Amaranto, Mexas, Suagongo, Casa Cecu, e Eira da Avoa. Unha aposta pola economía circular e que, a maiores, levan un empaquetado solidario: integrantes do plan de emprego da Cruz Vermella son as que se encargan de empaquetar os agasallos.