Mercar nun monumento nacional: catro comercios están instalados nos locais da Catedral de Ourense
Desde a orixe da catedral de Ourense no século XII os baixos están alugados a comerciantes, primeiro instalánronse os gremios de artesáns
Agora hai unha barbería, un salón de peiteado, unha tenda de lambetadas e recordos e unha tenda de produtos de alimentación de Galicia
Paseando pola coñecida rúa das tendas en Ourense están os baixos da catedral de San Martiño. Nun lugar privilexiado da cidade hai catro comercios alugados polo Cabido. O alugueiro destes locais ten tanta historia como a propio templo do século XII.
"Desde o ano 1198 que se inaugurou a partir de aí, os gremios da cidade, os cesteiros, os ferreiros, os caldeireiros, todos os artesáns dos gremios que había, ocupaban eses espazos nos baixos da catedral", explica o deán da catedral , José Pérez Domínguez.
Un dos locais é a tenda de produtos artersáns a onde Evelyn se trasladou hai pouco máis dun ano. Entre as súas vantaxes destaca a súa excelente localización.
"A xente está encantada e chámalle moito a atención o local, polos produtos e a situación, que ten o seu feitizo", afirma Evelyn Reinoso, a dona da tenda Daira.
"Ter aquí é unha tenda é unha cousa marabillosa, para eles e para nós. Gústanos ter todo ocupado para que a xente vexa que a catedral é de todos e para todos", apunta Jesús Pérez, o deán do templo.
O único requisito é que non se interveña nin no interior nin no exterior, xa que como a catedral son un monumento. E tampouco se vai permitir que un bar ou unha discoteca ocupen estes lugares sacros. "Non", di sorrindo o deán "a catedral é a catedral".
Pero si ten o seu aquel poder mercar produtos artesáns, lambetadas e recordos ou facer un peiteado ou arranxar a barba entre as pedras dun dos mellores templos románicos de Galicia.
