Miguel Corgos reclama que o Goberno aínda non lle transferiu a Galicia 300 millóns

O ministro de Facenda e Administración Pública, Miguel Corgos, lanzou unha mensaxe para o Goberno de España, reclamando que este aínda non lle transferiu "uns recursos que son nosos", xa que son "os impostos que pagaron os galegos".

Ademais, ditos recursos deberían estar dispostos para a Xunta "dende principios de ano", xerando "un prexuízo de 2 millóns de euros ao día para Galicia", un total de "300 millóns de euros no que levamos de ano".

Deste xeito, a Xunta reclámalle ao Goberno central que lle dea os 300 millóns de euros que o executivo ten que transferir á comunidade autónoma.