Minuto de silencio e declaración institucional no Concello de Marín polo naufraxio

Na tarde do mércores tivo lugar un minuto de silencio tamén no concello de Marín en memoria das vítimas, polo menos seis mariñeiros están moi ligados a esta vila mariñeira.

Neste pleno extraordinario tamén se aprobou unha declaración institucional dos grupos da corporación municipal, con motivo do naufraxio do Villa de Pitanxo, que ten a armadora nesta localidade pontevedresa.

O consistorio amosa deste xeito o seu apoio e solidariedade ás vítimas e os seus familiares que viven momentos moi duros. Marín é hoxe unha localidade especialmente consternada por unha nova traxedia que acontece nese mar tan ligado á nosa terra.