Morre aos 78 anos Javier Sánchez de Dios, analista político en Faro de Vigo
Morre aos 78 anos Javier Sánchez de Dios, analista político en Faro de Vigo
O comentarista escribiu columnas nas páxinas dese diario durante máis de medio século. Pasou tamén pola CRTVG e foi director de Comunicación na Xunta
Javier Sánchez de Dios, analista político no decano Faro de Vigo, xornal do que foi subdirector e onde publicou o seu derradeiro artigo, "La desfachatez", o pasado 31 de agosto, faleceu este martes aos 78 anos, segundo informou o seu círculo íntimo.
O comentarista escribiu columnas nas páxinas dese diario durante máis de medio século, a derradeira, dedicada ao ministro de Transportes Óscar Puente, unha peza que lle serviu para cumprir o seu desexo de manterse en activo ata o final da súa existencia.
De Dios pasou tamén pola CRTVG, Ser, Cope, Radio Líder, Xornal Diario e foi director de Comunicación na Xunta.
Recibiu moitos premios, entre outros, o Galicia de Comunicación e o José Luis Alvite, da Asociación de Xornalistas de Galicia, unha designación esta última que asumiu "coa emoción dun veterano que espera seguir na brecha ata que Deus o queira".
