Morre Cesáreo 'o Magnífico', o patriarca dos porcos celtas

O patriarca dos porcos celtas, de nome Cesáreo, alcumado 'o Magnífico' morreu en Vilalba, na granxa á que chegou cando aínda era un leitón en 2014. A Asociación de Criadores da Raza Porcina Celta elixírao para iniciar unha estirpe de porcos celtas da variedade carballina. Tiveron que sacrificalo por unha lesión medular hai uns días aos oito anos de idade, nos que contribuíu a recuperar a raza autóctona. O seu dono despediuno nas redes sociais remedando versos de Rosalía de Castro.