Morre unha persoa en Rianxo tras quedar atrapada entre a cama e o armario
Morre unha persoa en Rianxo tras quedar atrapada entre a cama e o armario
A persoa estaba en parada cardiorrespiratoria e aínda foi rescatada polos bombeiros de Boiro
Co persoal sanitario trataron de reanimala cun desfibrilador, pero non puideron facer nada pola súa vida
Os bombeiros de Boiro e o 061 no lugar do accidente en Rianxo. FOTO: @BomberosBoiro
Os bombeiros do parque provincial de Boiro acudiron esta tarde á rúa Punta Fincheira, no concello de Rianxo, tras recibir o aviso de que había unha persoa atrapada entre unha cama e un armario que non se podía mover.
Á súa chegada, a Policía Local de Rianxo indicoulles que a persoa atrapada estaba en parada cardíaca e os bombeiros procederon a colocarlle un desfibrilador, co persoal sanitario xa presente, informa o Consorcio contra Incendios e de Salvamento.
O persoal sanitario realizou as manobras de reanimación correspondentes, pero non se puido evitar o falecemento da persoa. No operativo tamén participaron, entre outros servizos, a Policía Local de Rianxo e un médico do PAC de Rianxo.
Dotación de bombeiros do Consorcio Contra Incendios e Salvamento de A Coruña con base en Boiro veñen de colaborar con 061, Policía Local de Rianxo e Protección Civil Rianxo Perfil Oficial en rescate persoa en parada cardiorrespiratoria en vivenda do Concello de Rianxo pic.twitter.com/VJcnQVKKmv
— A.D.C.Bomberos Boiro (@BomberosBoiro) December 29, 2024
