Cargando resultados...
Morre un home de 88 anos ao ser atropelado en Coristanco
Morre un home de 88 anos ao ser atropelado en Coristanco
Os dous ocupantes do vehículo sen carné que atropelou o home quedaron feridos
G24.gal
13/02/2022 21:15
Un home de 88 anos faleceu este domingo en Coristanco tras ser atropelado por un vehículo que non precisa carné de conducir.
O suceso aconteceu contra a unha e media desta tarde na AC-552, cando o turismo con dous ocupantes, que resultaron feridos no accidente, alcanzou o peón.
O octoxenario foi trasladado en estado grave nun primeiro momento ao complexo universitario da Coruña, onde morreu.
O 112 Galicia, tras recibir o aviso, solicitou a presenza no lugar dun equipo de Urxencias Sanitarias do 061 e pediu a colaboración dos voluntarios da Protección Civil da localidade coruñesa.
