Cargando resultados...
Morre un home en Lugo ao precipitarse desde a súa vivenda en lapas
Morre un home en Lugo ao precipitarse desde a súa vivenda en lapas
As forzas da orde tentan aclarar as circunstancias do suceso
Intervención dos bombeiros no lugar do sinistro
G24.gal
25/07/2024 13:36
Un home faleceu este xoves en Lugo ao precipitarse ao baleiro desde a súa vivenda, onde se estaba a producir un incendio.
Segundo informa o 112-Galicia, a Central de Emerxencias tivo constancia do suceso arredor das 11:15 horas da mañá "a través da chamada dun particular". "Os servizos sanitarios nada puideron facer pola vida do home e as forzas da orde traballan para esclarecer o acontecido", engade.
O #112Galicia tivo constancia deste suceso contra as 11:15 horas a través da chamada dun particular.
— 112 Galicia (@112Galicia) July 25, 2024
📍 Rúa Camiño Real.
➡️ Os servizos sanitarios nada puideron facer pola vida do home e as forzas da orde traballan para esclarecer o acontecido. https://t.co/Du9QnGLWZ5
A mesma fonte indica que os Bombeiros de Lugo controlaron e apagaron o incendio na vivenda, ubicada na rúa Camiño Real. Tamén se mobilizaron efectivos do 061, Policía Nacional e Policía Local de Lugo.
