Morre un motorista de 40 anos en Carballo ao impactar contra un camión
Morre un motorista de 40 anos en Carballo ao impactar contra un camión
O sinistro produciuse ás 15:30 horas no quilómetro número 27 da estrada AC-552 ao seu paso pola parroquia de Bértoa
![](https://img-g24-crtvg.flumotion.com/prog24/2024/20240703/PINCHOBRACCIDENTEMORTALMOTORISTACARBALLO2407031904_frame_6722.png)
Un motorista de 40 anos faleceu no mediodía deste mércores ao impactar contra un camión cando circulaba polo municipio coruñés de Carballo.
O sinistro produciuse ás 15:30 horas no quilómetro número 27 da estrada AC-552 ao seu paso pola parroquia de Bértoa, segundo trasladou o CIAE 112 Galicia.
Tras recibir o aviso do condutor do camión implicado no accidente, a central de emerxencias activou un dispositivo de emerxencia no que participaron Garda Civil e Urxencias Sanitarias 061, que enviou á zona ao helicóptero medicalizado con base en Santiago.
Con todo, os profesionais sanitarios non puideron facer nada pola vida do motorista, falecido no lugar do sinistro.