Morre un mozo de 22 anos nun río de Riós
Morre un mozo de 22 anos nun río de Riós
Un particular avisou o 112 Galicia dun home que non respiraba no río nunha zona que non cubría, pero cando chegaron as Emerxencias non puideron facer nada por salvarlle a vida
O home, que se bañaba cuns amigos no río Mente nunha zona de pouca profundidade, pasaba as súas vacacións na localidade ourensá
Galicia é a comunidade con máis falecidos por afogamento na auga
Helicóptero 061 urxencias sanitarias /Arquivo
Un home faleceu nun río no lugar da Veiga do Seixo, na parroquia de Castrelo de Cima, no concello ourensán de Riós.
Minutos despois das 18:00 horas deste sábado cando un particular solicitou ao 112 Galicia asistencia sanitaria urxente para un home que non respiraba. Ata o punto desprazáronse os profesionais de Urxencias Sanitarias de Galicia-061, que mobilizaron o helicóptero medicalizado con base en Ourense, pero non puideron facer nada por salvarlle a vida.
A central de emerxencias tamén solicitou a intervención da Garda Civil, dos membros de GES da Gudiña e dos efectivos de Protección Civil.
🔴 #AXEGAInforma dun home que perdeu a vida nun río en Riós.
— 112 Galicia (@112Galicia) August 10, 2024
📍 Lugar Veiga Seixo, na parroquia de Castrelo de Cima.
➡️ Un particular deu o aviso ás 18:10 horas.
🔗 https://t.co/RBVXDbAPr5 pic.twitter.com/KVWVAoZiTO
