Morre unha balea de máis de seis metros tras varar en Combarro

Unha balea morreu este martes despois de aparecer varada no porto do Combarro, en Poio. O cetáceo foi localizado vivo ás 09:30 horas deste martes cando se atopaba encaixado entre o peirao e a dársena de piragüismo, segundo informaron fontes da Policía Local de Poio.  

O animal, que presenta numerosos golpes, permaneceu durante minutos tratando de liberarse.   Finalmente, faleceu antes das 10:30 horas, momento en que chegaron ao porto de Combarro técnicos da Coordinadora para o Estudo dos Mamíferos Mariños. O cadáver do animal atópase no peirao do porto, onde están a despezalo.