Na poxa de rubia galega de Adai vendéronse unha vintena de animais de calidade contrastada
Na poxa de rubia galega de Adai vendéronse unha vintena de animais de calidade contrastada
Organizada por Acruga, chegaron a pagarse 3.100 euros por un macho e 4.500 por unha vaca preñada
Pouco antes do comezo da poxa os animais están expostos no recinto de Adai, no concello lugués do Corgo. É o momento de velos de preto. Destacan pola súa excelencia.
Desta volta participan vinte e catro animais, entre femias e machos.
E comeza a poxa cos primeiros becerros, todos eles de calidade recoñecida.
A poxa atraeu gandeiros de toda Galicia ata O Corgo. En total, retiráronse máis de sesenta tarxetas, unha mostra do interese que despertan estes animais. Un macho alcanzou o prezo de 3.100 euros, As vacas, xa preñadas, partían de 2.300 euros. Por unha delas pagaron 4.500. Unha oportunidade para conseguir exemplares de recría de raza rubia, moi recoñecida a nivel mundial.
