Nace en Mos unha empresa de inserción laboral para vítimas de violencia machista
Nace en Mos unha empresa de inserción laboral para vítimas de violencia machista
Axudará a acceder ao mercado laboral a través da capacitación profesional e desenvolvendo un traballo durante un máximo de 3 anos
A Asociación de Empresarios de Mos presentou este mércores o seu novo proxecto, unha empresa de inserción laboral especialmente dedicada a mulleres vítimas de violencia machista.
A iniciativa chámase Activa Emprega e conta co poio da Consellería de Emprego e Igualdade, o Concello de Mos e un gran número de empresas da contorna.
Activa Emprega é unha iniciativa de carácter social promovida pola Asociación de Empresarios e Mos e destinada a vítimas de violencia machista.
A empresa axudará este colectivo a que acceda plenamente ao mercado laboral a través da capacitación profesional e desenvolvendo un traballo durante un máximo de 3 anos.
A asociación de empresarios mosense leva 7 anos traballando con este colectivo a través de programas de emprego promovidos pola Xunta.
Neste tempo detectou una desconexión entre eses programas, prelaborais e o total acceso das vítimas ao traballo. Con Activa Emprega esperan encher ese baleiro.
230 mulleres participaron nos programas dos últimos 7 anos, 80 delas conseguiron incorporarse ao mercado laboral.
