Calviño e Bendodo, dúas visións contrapostas sobre as eleccións xerais

Unha xestión económica con bos datos foi esgrimida por Nadia Calviño como un dos principais activos do Goberno para a cita coas urnas. A vicepresidenta primeira visitou hoxe a Feira do Libro de Madrid e expresou o seu optimismo en relación ás perspectivas electorais.

"Eu estou convencida de que os españois van apoiar masivamente o Goberno liderado polo partido socialista porque o noso balance de xestión nos últimos anos é moi positivo. A economía española crece con forza. Estamos creando emprego. Esta semana coñecemos os datos de emprego de maio, que confirman que temos 20,8 millóns de persoas afiliadas á Seguridade Social".

A outra cara da moeda, desde o PP. Elías Bendodo sostén que Sánchez convocou eleccións o luns para tapar a vitoria dos populares e evitar que "os seus o coman". Tamén o acusou de "tramposo" por poñer as urnas a finais de xullo, cando moita xente está de vacacións.

"Tan fortes, tan fortes somos os españois e España que aguantamos cinco anos de duro sanchismo. Agora ben, somos fortes, pero non somos tan fortes para aguantar nove anos de duro sanchismo. Por tanto, o 23 de xullo aínda que Sánchez quere que non vaiamos votar, imos facer o esforzo".

E novo contacto coas enquisas tras o 28-M. O rotativo El Mundo destaca que "máis votantes do PSOE ven como presidente a Feijóo que a Sánchez". A diferenza é de pouco más dun punto: 39,4% para Sánchez e 40,6% para Feijóo, segundo esta sondaxe.