Non haberá primarias para elixir secretario xeral dos socialistas de Lugo

Finalmente non haberá primarias para elixir secretario xeral dos socialistas lugueses.

Os dous candidatos, José Tomé Roca, alcalde de Monforte e presidente da Deputación luguesa, e José María Arias, alcalde de Castroverde, chegaron a un acordo para acudir ao congreso provincial cunha única candidatura conxunta.

Tomé será o novo secretario provincial mentres que Arias ocupará a Vicesecretaría Xeral. Lugo será así a única provincia en que os militantes do PSdeG non terán que ir a unha votación para escoller o novo máximo responsable do partido.