Nos Ancares reclaman que se aceleren os traballos de repavimentación da A-6

Máis de 40 quilómetros da autovía A-6 teñen carrís cortados ou coa velocidade reducida ao seu paso polos Ancares, debido ás obras para pavimentar de novo o trazado.

O tramo máis afectado é o que une Becerreá e Baralla, onde permanece cortada a saída cara a Neira de Rei e Navia de Suarna. Os usuarios sinalan que as obras son necesarias para acabar cunhas fochas que fan perigoso o tráfico, polo que reclaman que se acelere o ritmo dos traballos.

Tamén nos Ancares e na mesma autovía, permanece cortado o túnel de Pedrafita, a carón do viaduto que se derrubara hai dous anos na Veiga de Valcarce.