Nova estación intermodal de autobuses de Pontevedra: máis espazo e accesibilidade

Diáfana e con madeira galega, así é a nova estación de autobuses intermodal de Pontevedra en que tamén se remodelou toda a contorna. O máis valorado: a nova vía que evita a entrada dos autobuses no centro da cidade. Pero tamén se creou unha nova zona verde e mellorouse a canle do río Gafos.

A pandemia, a crise económica e de materiais causaron atrasos nesta obra. A remodelación fíxose sen perder a actividade que xa tiña a estación vella. O alcalde e a conselleira reiteraron a súa aposta pola colaboración entre administracións que fixo posible a culminación desta obra.