Novos cortes de tráfico na A-55 debido ás obras da conexión coa autovía Tui-A Guarda
Novos cortes de tráfico na A-55 debido ás obras da conexión coa autovía Tui-A Guarda
Desde hoxe córtase a incorporación sentido Portugal ata o próximo día 25
A próxima semana producirase un novo corte de tráfico noutro dos ramais que afectará ao enlace co polígono de Areas
As obras conectan a autovía de Tui-A Guarda coa A-55 mediante unha glorieta elevada de 80 metros de diámetro que canalizará todos os tráficos do enlace. A actuación é unha vella unha reivindicación das empresas asentadas nesta área empresarial.
A nova conexión mellorará as comunicacións das máis de corenta empresas que traballan no polígono de Areas e permitirá incrementar a súa competitividade.
Para continuar adiante cos traballos desde este xoves quedarán pechados os ramais de entrada e saída da marxe dereita da autoestrada no quilómetro 30 en sentido Portugal.
Para os usuarios, a nova infraestrutura favorecerá a mobilidade no Baixo Miño.
A próxima semana haberá un novo corte co peche do ramal de entrada ao enlace dirección Tui. A Xunta de Galicia investiu trinta millóns de euros nesta actuación que xa se atopa na súa fase final con máis do oitenta por cento da obra executado.
