O aforro galego case duplica os créditos

Os depósitos nos bancos suman xa en Galicia catro anos consecutivos de alzas. Segundo o Banco de España, superan os 82.500 millóns de euros. Con 2.700 millóns máis ca o ano anterior, acadan o seu máximo histórico.

A día de hoxe, o aforro dos galegos practicamente duplica os créditos bancarios. A contía que deben achégase xa aos 48.000 millóns de euros.

Nos últimos catro anos, o aforro galego incrementou nuns 15.700 millóns de euros. É dicir, un 23,5 %. Neste sentido, sitúase na media das comunidades autónomas no ámbito estatal. En troques, tocante aos créditos, Galicia lidera a táboa, cun aumento por riba do 15 %.