O Alboroto, primeiro líder do Campionato de España de J80

Onte comezou en Baiona o Campionato de España de J80. Na primeira xornada dominio galego co Alboroto de Juan Carlos Ameneiro. O barco local dominou de forma cómoda entre unha frota de case corenta equipos pelexando polo título nacional. O Solintal de Ignacio Camino marcha de segundo a nove puntos, e o Dorsia Covirán de Rafael Díaz é o terceiro a trece puntos.

Hoxe dispútase a segunda xornada. O Campionato de España de J80 rematará mañá coroando ao novo campión.