O atropelo dun cabalo por parte dun camión dificultou a circulación por Alfonso Molina na Coruña

Un camión atropelou un cabalo a primeira hora desta mañá na Avenida Alfonso Molina na Coruña. Segundo informan fontes da Policía Local, o suceso produciuse sobre as 06:40 á altura de Palavea e as ringleiras para saír da cidade herculina chegaron ata o Carrefour.

Os axentes solicitaron aos condutores que, na media do posible, evitaran circular por este vial. Foi en dirección saída o que obrigou a cortar a circulación nun dos tramos ata que sobre as 08:15 horas liberouse o carril que permanecía nesa situación. De retirar da calzada ao animal e do seu traslado encargouse un camión do servizo de estradas, precisaron desde a Policía Local.