O Bergantiños aguanta ata o engadido en Soria (1-0)

O Bergantiños aguantou ata máis aló do minuto noventa pero acabou perdendo en Soria diante do Numancia despois dun penalti protestado no tempo engadido cometido por Manu Núñez. Sabía do complicado que era o partido o equipo de Carballo que realizou un encontro moi serio no aspecto defensivo e mesmo inquedou a porta numantina. O cadro soriano, que buscaba o liderado despois da derrota do Pontevedra, sufriu moito. Tivo un remate que se estrelou contra o pau pero só foi quen de superar a Canedo co penalti transformado por Jony.