O Bergantiños métese en problemas logo de perder co Guijuelo (2-3)

Partido cheo de alternativas entre o Bergantiños e o Guijuelo no que os de Carballo perderon o encontro e o average cun rival directo por evitar o descenso. Antes do minuto 10 xa marcaran Pana para o Guijuelo e Cristian Moreno a prol do Bergantiños.

Antes do descanso os visitantes anotaron o segundo gol cun tanto de Gonzalo Expósito. No segundo tempo (minuto 68) Remeseiro puxo o 2-2 pero a cinco minutos do final o colexiado asubiou un penalti que transformou Montes no definitivo 2-3. O Guijuelo suma 20 puntos tentando escapar do descenso e o Bergantiños queda con 24.