O Bergantiños remonta un 2-0 e trae un importante triunfo de Luanco

O Bergantiños venceu no campo do Marino de Luanco tras unha remontada espectacular en 16 minutos. Os de Lemos non entraron ben ao encontro, e isto aproveitouno o Marino para coller unha renda de dous goles. O primeiro, logo dun discutido penalti que transformou Lora. O segundo tanto chegou nada máis iniciarse a segunda metade, obra de Jairo.

Chegou entón a reacción galega: Carlos López poñía o 2-1 no 59, catro minutos despois empataba Palomares cunha potente cacholada e Alberto acadaba o tanto do triunfo cun disparo aproveitando un rexeitamento no 75.

Co triunfo, o segundo da temporada, o Bergantiños suma oito puntos e ocupa posto de play out.