O Bergantiños salva un empate no treito final do partido (1-1)

O Bergantiños conseguiu salvar un punto diante do Laredo grazas a un gol de David Álvarez a menos de dez minutos para o final. Pouco fixo o equipo cántabro do Laredo pero conseguiu adiantarse no marcador nun gran lanzamento de falta de Isuardi (minuto 17).

O Bergantiños dominou, pero xerou poucas oportunidades de gol. Cando máis problemas tiña o equipo galego chegou o gol de David Álvarez, que rematou un centro de Currás. Nos últimos intres os de Carballo gozaron dun par de achegamentos pero non culminaron a remonta.