O Breogán quere sentenciar a permanencia diante dun Pazo entregado

O Breogán recibe a Andorra no mellor momento da temporada e coa moral polas nubes despois dos últimos bos resultados. Á falta de dúas xornadas, o equipo de Mrsic pode sentenciar a permanencia cun triunfo este venres sen ter que agardar á que sería dramática última xornada do domingo. 

Para o adestrador croata, a relaxación é o principal temor. Despois do gran partido co que lle gañaron a Tenerife, non pensa que o equipo poida baixar os brazos nin que estea todo feito cando aínda queda un partido por gañar.