O Breogán dá a cara ante un Baskonia intratable (77-86)
O Breogán dá a cara ante un Baskonia intratable (77-86)
Actuación destacada de Arteaga, con 16 puntos e 20 de valoración
Tras un mal primeiro cuarto o Breogán chegou ao descanso nove puntos por debaixo
O Breogán deu a cara ante o Baskonia pero non puido contra un equipo da Euroliga, que está a un nivel altísimo e que sumou hoxe en Lugo a decima vitoria seguida entre a liga doméstica e Europa. Os de Mrsic víronse moi superados no primeiro cuarto que finalizou con 12 puntos arriba para o conxunto vitoriano.
A reacción dos celestes veu no segundo e terceiro cuarto cando se chegou a poñer con empate no marcador e incluso un punto por riba, grazas á grande actuación de Arteaga e a accións como as triplas de Nakic e Sergi García.
O croata puxo a igualada a 60 co lanzamento de dous tiros libres e o terceiro cuarto finalizou co Baskonia dous puntos por riba. Pero no último cuarto o equipo da Euroliga impuxo a súa lei. O marcador final foi de 77 a 86. O Breogán segue con seis vitorias e xoga o seu próximo partido o mércores 4 en Zaragoza.
