O Breogán encadea a sexta derrota seguida na pista de Bilbao (83-66)
O Breogán encadea a sexta derrota seguida na pista de Bilbao (83-66)
O parcial de 27-12 do terceiro cuarto resultou determinante
Perderon a diferenza de puntos contra Bilbao porque o Breogán gañara no Pazo por dezaseis
Sergi Quintela, o mellor dos lucenses con 16 de valoración
Estáselle a facer longo este treito final de temporada ao Breogán. Viaxaba a Bilbao coas baixas de Nakic e Momirov e sumou a sexta derrota consecutiva en ACB.
Non comezou mal o partido para os de Mrsic. Con un parcial de 0-11 conseguían poñerse 8-13, a máxima vantaxe que tiveron ao longo do partido. Bos minutos de Sergi Quintela nun primeiro cuarto de moita igualdade (17-15).
No segundo mantívose a dinámica, co Bilbao por diante pero sen romper o partido. Chegou a ter seis puntos de marxe (34-28) e chegouse ao descanso con todo por decidir (39-36).
O terceiro cuarto foi o que decantou o partido. Principiou Bilbao cun 7-0 a favor (46-36). Breogán aguantou o primeiro tirón pero no segundo (14-0) quedou moi decantado (64-44). Os lucenses aínda tiveron coraxe para reaccionar no último cuarto (66-55) pero dous tiros libres fallados por Happ e unha antideportiva a Nenadic acabaron coas súas posibilidades.
Bilbao aproveitou para volver marchar e pelexou ata o último segundo por recuperar o average. En Lugo gañara o Breogán por dezaseis. En Bilbao remontou o Bilbao, que gañou grazas a dous tiros libres a catro segundos para o final por dezasete.
