O buque Galicia de asalto anfibio, aberto ás visitas do público no porto de Vigo

Se queren ver por dentro un buque de asalto da Armada Española, coñecer como se despregan as tropas, os camións e os Hummer desde un anfibio, ou saber como funciona o hospital de a bordo non perdan a oportunidade de ver hoxe e mañá en Vigo o buque Galicia.

Está aberto ás visitas do público de xeito totalmente gratuíto. Onte domingo xa o visitaron mil persoas.

Construído en Bazán, desde a súa botadura, no ano 97, o Galicia conta cunha extensa vida operativa, na operación Alatanta, no Líbano, ou en misións humanitarias como Haití tras o furacán Mitch, ou Indonesia, tras o Tsunami. O buque pode proxectar tropas en terra, por medios de superficie ou aéreos. 

Accedemos ao corazón desde anfibio: o dique. 

"Isto inundariámolo para que a LCM (lancha de desembargo anfibio) flotase, e esta embarcación podémola encher de vehículos de infantería de Mariña como de infantes de Mariña para despregalos na praia", explica Álvaro Cordero, alférez de navío do Galicia.

Normalmente leva a bordo 187 efectivos. Pero pode despregar máis de 600 membros da Infantería de Mariña.

O seu hospital, dotado con máis de sete UCI, serviu por exemplo na pandemia para reforzo sanitario en Ceuta e Melilla.

A visita ao porto de Vigo do Galicia cadra coa fin de curso do cruceiro de instrución. A seguinte parada será Bilbao.