O Celta e Denis Suárez fan as paces coa chegada de Marián Mouriño
O Celta e Denis Suárez fan as paces coa chegada de Marián Mouriño
Denis: "Isto faime moi feliz. É o club da miña vida. Non ten ningún sentido ter mala relación"
Denis Suárez volve a Vigo. Aproveita a súa recuperación tras lesionarse co Vilarreal ao comezo da competición internacional e, malia pasar polo quirófano, non perde o horizonte na súa carreira.
"Teño 30 anos e espero xogar moitos máis".
O Celta e o futbolista de Salceda de Caselas veñen de inaugurar unha nova etapa nas súas conflitivas relacións.
"Isto faime moi feliz. É o club da miña vida. Non ten ningún sentido ter mala relación".
Para Denis Suárez o Celta e o celtismo son parte inseparable do seu camiño polo fútbol. O xogador mira con bos ollos a chegada dun adestrador da casa ao primeiro equipo e cre que o club atina de cheo dándolle un papel relevante á canteira.
"Oxalá un día un Celta como o Athlétic".
Nese futuro máis inmediato para Denis Suárez está a súa Fundación, que será presentada oficialmente pola tarde e coa que que pretende promover o lado máis solidario do fútbol.
"Darlle formación a cativos, pero tamén a adultos".
O Suárez máis social e didáctico non ven de agora, porque dende hai xa seis anos dirixe cada verán unha concorrida escola de fútbol para os novos valores do noso fútbol.
