Denis Suárez agarda por unha oferta que lle permita saír do Celta

Faltan oito días para que remate o mercado de fichaxes e Denis Suárez segue sen atopar unha saída.

Mentres tanto, o xogador de Salceda continúa adestrándose, sabendo que non vai ter minutos co Celta esta temporada. Si é certo que houbo algunhas ofertas enriba da mesa pero ningunha colmaba as aspiracións de Denis. O futbolista segue agardando. Resta unha semana e Denis non quere vivir a temporada desde a bancada.

Continúa atento a posibles ofertas antes do peche do mercado. Se chega unha que satisfaga as súas expectativas e as do club, deixará o Celta.

Denis Suárez di que o Celta só lle deixa adestrarse todo o tempo co equipo cando hai afeccionados presentes

Ojalá estuvieras todos los días en la Ciudad Deportiva 😀 Cuando venís a vernos es el único día que me dejan entrenar con el equipo todo el tiempo 🤦🏻‍♂️Casualidades de la vida… 🤷🏻‍♂️😬… Seguimos 💪💙 pic.twitter.com/NqnrASxDTW

— Denis Suarez (@DenisSuarez6) August 24, 2022