O Celta non vivía un novembro tan pracenteiro desde había seis temporadas

Había tempo que o Celta non gozaba dun doce mes de novembro. Os de Giráldez chegaron a esta parada de seleccións instalados no medio da táboa a tres de Europa e a sete do descenso. Dezasete puntos, un máis que a temporada pasada en toda a primeira volta. E mirando para arriba.

A estas alturas, o Celta de Benítez estaba en descenso pero esquivou o cesamento nun novembro crítico nas últimas temporadas, nas que se produciron os recambios de Escribá, Òscar Garcia e Coudet. Con Giráldez a calma clasificatoria permite recrearse na estrea internacional dos xogadores da canteira. Desta vez Hugo Sotelo, antes Damian e Hugo Álvarez.

Á volta das seleccións, máxima esixencia; chega o Barcelona a Balaídos, o primeiro dos seis partidos que quedan para finalizar a primeira volta da liga.