O Colexio de Xornalistas pide lexislar contra a desinformación

O decano do Colexio de Xornalistas de Galicia salienta que nas guerras é fundamental o traballo dos informadores. Paco González Sarria amósase preocupado pola proliferación de noticias falsas ou tendenciosas sobre a guerra de Ucraína.

Na súa opinión, sería necesario que os gobernos tomasen medidas para evitar a desinformación e a difusión de falsidades. González Sarria destaca que o Colexio de Xornalistas rexeita o bloqueo das emisións de Rusia Today e Sputnik News por parte da Unión Europea, pero tamén as chamadas fake news.