O Compos tampouco é capaz de marcarlle ao imbatíbel Guijuelo

Mirando os números do Guijuelo, era o resultado máis probable: cero goles en contra no que levamos de temporada. O Compostela tentouno pero atopouse cun rival moi serio no traballo defensivo, que volveu manter a súa portería a cero (e xa son 540 minutos). 

As mellores ocasións do Compos foron para Pablo Antes, que avisou na primeira metade. Tamén tivo o Guijuelo algún achegamento tímido, pero o resultado inicial pode considerarse como xusto.

Na segunda parte Montero dispuxo da mellor para o cadro visitante e Johan Guzmán realizou algunha intervención de mérito para deter algún remate esporádico dun Compostela que levou o peso do partido pero sen crear ocasións.