O Congreso debate, por primeira vez, reducir a taxa de alcolemia a 0,2 gramos de alcol por litro en sangue

A proposta do Goberno de reducir a taxa de alcoholemia de 0,5 a 0,2 gramos de alcol por litro en sangue pasou o primeiro filtro do Congreso dos Deputados. Este martes debateuse por primeira vez na Cámara Baixa, e á espera da votación, a iniciativa conta cun amplo apoio parlamentario, aínda que tanto o PP coma Vox están en contra.

O que empezou sendo unha petición das asociacións de vítimas de accidentes durante anos pode converterse en realidade nos próximos meses. De saír adiante a proposición non de lei,  España situaríase no grupo de países referencia en seguridade viaria da Unión Europea, como Suecia ou Noruega, onde xa teñen esa taxa do 0,2.

O deste martes foi un paso decisivo. En todo caso queda por diante  un longo trámite administrativo antes de entrar en vigor. Desde a Dirección Xeral de Tráfico calculan que pode ser a principios do ano que vén.