Junts vota non á lei de amnistía e atrasa a súa aprobación para seguir negociando

A proposición de lei de amnistía impulsada polo PSOE volve á Comisión de Xustiza despois de que non saíse adiante a súa aprobación no congreso.

O voto en contra de Junts fixo que o texto contase só co apoio de 171 deputados fronte aos 179 que votaron non.

Agora na comisión, os partidos terán a posibilidade de negociar novos cambios. Os grupos parlamentarios disporán dun máximo dun mes para introducir novas modificacións na proposición, aínda que este prazo podería acurtarse a 15 días polo trámite de urxencia que se segue na Cámara Baixa.

Dende Junts aseguran que as conversas co PSOE non se interromperon en ningún momento e confían en sacar adiante as súas emendas aínda que hoxe fosen rexeitadas polos socialistas no pleno.

Antes de votar a lei na súa totalidade, os deputados votaron as emendas ao texto.

As emendas de Junts foron rexeitadas co voto en contra dos deputados do PSOE, que descartou que delitos como o terrorismo ou a traizón queden cubertos por esa medida de graza.

Tras semanas de negociacións e conversacións ata o último minuto, os socialistas dixeron non ás modificacións que pretendían incluír na iniciativa tanto Junts como ERC, con respaldo do PNV.

Fontes socialistas defenderon a solidez dunha norma que require seguridade xurídica e que "non pode someterse a cambios con cada nova noticia que se coñece", en referencia ás esixencias de Junts para incluír todos os posibles delitos que os xuíces están a investigar no marco do procés.

As emendas clave de Junts buscaban amnistiar todos os delitos de terrorismo e tamén ampliar ese paraugas á traizón, os delitos contra a paz ou a independencia do Estado e os relativos á defensa nacional.

"Unha amnistía selectiva e en diferido non é o que acordamos", lembrou Nogueras aos socialistas desde a tribuna, ao defender as emendas á lei de amnistía no pleno extraordinario que se celebra na Cámara Baixa.

"O acordo co PSOE incluía na amnistía, a vontade compartida de non deixar fóra a ninguén...o acordo tiña a vontade compartida tamén de  acabar coa persecución penal dos que fixeron, facemos e queren facer política en Cataluña", engadiu Nogueras.

Junts, que expuña tamén adiantar dous meses o período da amnistía para que comece o 1 de novembro de 2011, propoñía así mesmo, sen citalo, loitar contra o "lawfare".

Expuña así ampliar a amnistía ás accións "atribuídas en función de operacións policiais artificiosas ou prospectivas orientadas á criminalización de cargos públicos ou a súa contorna e cando non implicasen efectivamente un incremento patrimonial de orixe ilícita".

 O ministro de Xustiza, Félix Bolaños, pola súa banda, considerou "absolutamente incomprensible" que Junts votase en contra da lei e pediu que reconsidere a súa posición e saíu en defensa dos xuíces atacados no pleno.

Duras críticas vertidas pola maioría dos voceiros dos grupos socios do Gobierno, que acusaron os xuíces implicados en casos do 'procés' de prevaricar e aliñar a súa axenda coa tramitación da lei de amnistía.

Para o PP é "difícil unha humillación maior" ao Goberno de Pedro Sánchez que a provocada por Junts na tarde deste martes.

"O PSOE non se plantou, ao PSOE plantárono", afirmou o voceiro do PP no Congreso, Miguel Tellado, mentres que o líder do partido, Alberto Núñez Feijóo, auguraba novas cesións do Gobierno, incluída a alta traizón.

Desde a tribuna de invitados seguiu o debate o presidente de ERC, Oriol Junqueras, quen tras a votación lamentou que a lei non siga o seu trámite no Senado xa que era "boa", "robusta" e daba cobertura e garantía xurídica aos procesados polo 'procés'.

O revés da xornada non fai dubidar ao Gobierno de que a lexislatura, necesitada dos votos de Junts para aprobar as principais leis, continuará: "Quédannos tres anos e medio e imos seguir apostando por dereitos, emprego e convivencia", asegurou Bolaños.

As emendas da polémica

As principais emendas que defende Junts e que fixeron encallar a lei no pleno buscan ampliar o paraugas da amnistía "para que non quede fóra ninguén".

Expón así cubrir todos os delitos de terrorismo relacionados co 'procés' e tamén a traizón, os delitos contra a paz ou a independencia do Estado e os relativos á defensa nacional.

A formación independentista quere adiantar dous meses o período da amnistía para que comece o 1 de novembro de 2011 e propón así mesmo, sen citalo, loitar contra o 'lawfare', ou a xudicialización da política.