O Coruxo empata un partido que perdía 2-0 no minuto 88

O Coruxo sacou un punto no campo de Ganzabal ante o Langreo (2-2) nun partido que perdía por 2-0 no minuto 88. Tiña o encontro na man o equipo asturiano grazas a dous penaltis transformados por Guerrero, un en cada tempo. Pero o Coruxo pelexou ata o final, conseguiu recortar diferenzas cun tanto de Fer Martínez e, con todos os xogadores na área local, incluído o porteiro Alberto Domínguez, marcou o gol do empate no 97 grazas a un remate de Borja Marchante que entrou por toda a escuadra. Un punto que lle serve ao cadro do Coruxo para manterse por riba do posto de play out.