O Coruxo mete terra de por medio co descenso

O Coruxo logrou unha gran vitoria diante do Escobedo (3-0) coa que mete terra de por medio cos postos de descenso directo. O equipo cántabro (12 puntos) era o que marcaba a zona vermella e os do Vao póñense con 20 puntos, máis preto da zona de play off que da de descenso. 

Para ver os goles houbo que agardar ao segundo tempo. Nun partido de poucas ocasións a manobra de Brais Penela no primeiro foi do máis destacado (minuto 72). 

A dez minutos do remate o central Andriu volveu amosar o seu olfacto goleador ao subir nun córner e cabecear á rede anticipándose ao porteiro do Escobedo. É o segundo partido consecutivo no que marca Andriu na casa. 

O resultado completouno Álex Rey cun gol no engadido.