O Día Mundial de Internet reivindica un maior protagonismo das persoas maiores na tecnoloxía
A rede de redes provocou a aparición de novas profesións e a dixitalización de sectores tradicionais
Un proceso acelerado pola pandemia, pero que ten unha materia pendente: as persoas maiores
Internet naceu nos anos 80 e o seu impacto mudou a vida por completo. Youtubers, influencers, instagramers... A rede de redes provocou a aparición de novas profesións e a dixitalización de sectores tradicionais.
Facilitou as comunicacións, cambiou o xeito de relacionarse e tamén de consumir. Case todo pasa polas redes. Un proceso acelerado pola pandemia pero que segue a ter unha materia pendente: as persoas maiores.
Precisamente este 17 de maio, Día Mundial de Internet, reivindica un maior protagonismo das persoas maiores nas tecnoloxías e na sociedade da que forman parte.
