O euríbor frea a escalada, pero non baixa do 4 %

O euríbor segue sen baixar do 4 por cento. A pequena tregua do mes de agosto parecía un dato esperanzador, pero non logrou reducir a presión hipotecaria. A cota acada o nivel máis caro en 14 anos. 

O incremento dos tipos de xuro, que están no 3,3 por cento, pon a contía mensual media nos 600 euros.  Por outra banda, o requirimento dunha maior cantidade de fondos propios para acceder ao proceso de compra provocou unha redución das hipotecas.  

Para os que carecen de aforros, a compra de vivenda convértese en algo inaccesible.  Con esta situación, a firma de hipotecas encadea catro trimestres consecutivos á baixa. Entre abril e xuño caeu un 14 por cento.