O exército ruso bombardea un edificio de vivendas e unha gardería en Kíiv

Novo ataque a Kíiv, cun morto e seis feridos. O exército ruso bombardeou un edificio de vivendas e unha gardería.

Unhas horas antes do comezo do cumio do G7, o exército ruso disparou varios mísiles contra a capital ucraína Kíiv.

Os proxectís alcanzaron un edificio de vivendas e unha gardería infantil, segundo informou o alcalde da cidade.

Hai polo menos un morto e seis feridos, entre eles unha pequena de sete anos e mais a súa nai. Este barrio tamén foi bombardeado en marzo e a finais de abril, coincidindo coa visita do secretario xeral da ONU António Guterres. Os líderes do G7 condenaron os bombardeos en zonas civís.