Milleiros de persoas marchan no 8M malia a división no feminismo
Milleiros de persoas marchan no 8M malia a división no feminismo
Os membros do Goberno de coalición foron xuntos na mesma protesta, con pancartas diferentes
Aínda que con pancartas diferentes, os ministros do Goberno de coalición marcharon xuntos na manifestación convocada pola comisión 8M. En representación do PSOE, a vicepresidenta Nadia Calviño, Isabel Rodríguez, María Jesús Montero ou Diana Morant.
De Podemos, encabezaba a pancarta a ministra de Igualdade Irene Montero. As reinvindicacións da marcha foron as que defende a formación morada: a plena inclusión do colectivo trans na loita feminista, e que non se reforme a lei do só si é si.
A outra gran manifestación foi a convocada polo Movemento Feminista de Madrid en defensa da abolición da prostitución e en contra da lei trans, motivos polos cales os manifestantes pediron a dimisión de Irene Montero.
Os principais colectivos feministas reclamaron que as polémicas do momento non fagan esquecer cuestións como a fenda salarial ou a violencia de xénero. No que vai de ano dez homes mataron as súas parellas en España, e 13 nenos quedaron orfos pola violencia machista.
