O 'Galicia en goles' abre unha fiestra aos E-Sports

Hoxe en día os deportes non están restrinxidos aos terreos de xogo, e por iso no Galicia en goles convidaron a Sergio Gonzalez, caster de VFO, a  principal liga do modo de xogo CLUBES PRO do  popular videoxogo FIFA.

Nesta modalidade cada xogador controla un futbolista creado por el mesmo, xogando once contra once.

Unha das ligas de maior relevancia é a Virtual Football Organization, coñecida como VFO, que conta con 6 divisións e incluso cásters, narradores dos partidos do fifa. Un  deles é  galego,  o protagonista da sección deste sábado no #GaliciaEnXogo.