O Goberno volve descartar a busca dos restos do Villa de Pitanxo

O Goberno considera que non hai garantía de éxito na operación de localización dos restos do villa de Pitanxo, e unha vez localizado na busca dos corpos. Pero os familiares das vítimas insisten en que, como en calquera operación tras un sinistro, non só é importante recuperar os cadáveres, senón recompilar calquera outra información que axude a aclarar os detalles do accidente, e máis cando poden existir indicios de homicidios imprudentes.

Din que non existen eses atrancos que sinala o Goberno, nin técnicos nin competenciais, xa que son augas internacionais e sería unha acción humanitaria. Piden a todos os partidos políticos que apoien unha moción a favor da busca do pecio en Terra Nova en todos os concellos de España.

Quéixanse da interlocución coas autoridades canadenses a través dunha reunión da que non teñen novas aínda sobre as actuacións durante os tráxicos días do naufraxio e que, por exemplo, o Perú xa tivo en representación dos seus cidadáns desaparecidos.

Tampouco entenden que non se exploren todas as opcións posibles para realizar os traballos de prospección.