O incendio nun alboio de Vilaboa deixa estragos materias

Estragos materiais foi o que deixou un incendio acontecido este luns á tarde nun alboio da localidade de Borrateiros, no concello de Vilaboa.

O lume orixinouse cando un home manipulaba unha motorrozadora, concretamente a buxía, nunha operación de mantemento. Supostamente, a chispa alcanzou unha garrafa de gasolina que estaba próxima e desencadeouse o incendio.

Interviñeron en primeiro lugar efectivos de Protección Civil de Vilaboa provistos dun extintor e completaron o traballo de apagado bombeiros do parque do Morrazo.