O INE sobe unha décima o crecemento da economía no segundo trimestre, ata o 0,5 %

O Instituto Nacional de Estatística (INE) elevou ao 0,5 % o crecemento rexistrado pola economía española no segundo trimestre do ano, unha décima máis respecto ao estimado en xullo (0,4 %) e unha décima menos que no trimestre precedente (0,6 %).

O crecemento do segundo trimestre sustentouse na demanda nacional (consumo e investimento), que achegou un punto, mentres que a demanda externa (exportacións e importacións) restou 0,5 puntos, de acordo cos datos de contabilidade nacional publicados este venres polo Instituto Nacional de Estatística.

O consumo das familias baixou sete décimas respecto ás estimacións de hai dous meses, aínda que segue en terreo positivo, no 0,9 %, mentres que as exportacións caeron un 3,2 % e o investimento empresarial se moderou, ata o 1,9 %.