O lobo mata 17 animais en Parga no último mes

Un novo ataque, desta volta nunha parcela de Parga, no concello lugués de Guitiriz. Daniel ensina as últimas sete vítimas que lle matou o lobo. Acababa de cambiar os animais de prado. Todo perdas, que nunha primeira estimación, e sen ter en conta as anteriores, elevou a uns 700 euros, ao haber un macho e varios exemplares adultos, algunha delas preñada.

Daniel di: "As últimas que están aquí no remolque matounas alí, onde están aqueles piñeiros detrás das casas, a uns 50 metros. Pero en todos os casos e o cabalo tamén. Antes sabiamos que había no monte, pero aquí ao pé das casas calquera día cómenos a nós tamén. Onde estaba o lobo vai vai xente pasear e onte aviseinos, para que tivesen coidado porque calquera día pode haber unha desgraza maior".

Atopouse cunha loba morta xunto ao camiño cando ía ver como estaban o seus animais e xa escoitou rinchar un cabalo que deixou co rabaño para que o puidese defender dos ataques, daquela xa se decatou de que ía atopar todas as cabras mortas. Antes de caer a noite xa se achegaron unha patrulla da Garda Civil e tamén axentes da Consellería de Medio Ambiente para valorar os danos e facer un informe. Sospeitan que algunha das cabras ou ben o cabalo puido ferila e que morrese por unha ferida que tiña no pescozo.

Daniel asegura: "Veu a Garda Civil polo lobo morto, e os guardas aínda viron un lobo vivo cerca de onde estaban. Había dúas eguas alí que son dun veciño e aviseino. Xa lle dixen que tiña alí unha poldra e que de noite lle ía comer todo".

A partir de agora vai fechar os animais na corte e está a pensar se deixar un traballo que agora mesmo só lle da perdas.